ЖАРда коронавируснинг янги штамми аниқланди

Фото: Gallo Images/ Alet Pretorius

Жанубий Африка Республикаси олимларининг маълум қилишича, мамлакатда коронавируснинг мутация қилиш даражаси юқори бўлган янги штамми айланиб юрибди. Бу ҳақда Eyewitness (EWN) портали хабар берди.

Юқумли касалликлар миллий институти мутахассислари ушбу штаммни С.1.2 деб аташган. У илк бор жорий май ойида қайд қилинган.

Таъкидланишича, ЖАР соғлиқни сақлаш вазирлиги янги штамм ҳақида ЖССТни огоҳлантирган. Олимлар вируснинг янги тури юқори агрессивликка ва вакциналарга юқори бардошликка эга бўлиши мумкинлигини айтишган. У 2021 йил январда ЖАРда аниқланган С.1.2 штаммининг мутацияси ҳисобланади.

Маълумотларга кўра, янги штамм билан касалланиш ҳолатлари Конго Демократик Республикаси, Хитой, Янги Зеландия, Британия, Португалия, Швейцария ва Маврикийда қайд қилинган.

Аввалроқ Британиянинг Бат ва Эдинбург университети олимлари коронавирус деярли ҳар ҳафта мутация қилаётганини аниқлашган. Бунгача вирус икки ҳафтада бир марта мутация қилади, деб ҳисоблаб келинаётганди.

#ЖАР

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.