Mercedes-Benz армия учун махсус Gelandewagen ишлаб чиқаради

Автомобил 249 от кучига тенг 3 литрли турбодизел мотор билан жиҳозланади.

Mercedes-Benz компанияси G-Class йўлтанламасининг махсус модификациясини ишлаб чиқаришни режалаштирмоқда. Мазкур автомобил махсус хизматлар ва армия учун мўлжалланади, деб хабар берди Which Car.

Маълумотларга кўра, йўлтанламас ёруғлик диодли оптика, шноркел (двигателнинг сув остида ишлашини таъминлайдиган қурилма), улкан бампер ва янги ён ойналар билан жиҳозланади.

Унга 249 от кучига тенг 3 литрли турбодизел мотор ўрнатилади.

Нашрнинг ёзишича, компания мутахассислари дастлабки прототипларни синовдан ўтказишни бошлаган.