Ўзбекистонда Sputnik V вакцинаси ишлаб чиқарилиши йўлга қўйилди

Jurabek Laboratories МЧЖ қўшма корхонасида ишлаб чиқарилаётган Sputnik V вакцинаси 1- ва 2-компонентларининг дастлабки 260 500 дозаси Санитария-эпидемиологик осойишталик ва жамоат саломатлиги хизматига топширилди. Бу ҳақда ССВ матбуот хизмати хабар бермоқда.

Бу Ўзбекистонда тайёрланаётган иккинчи вакцина бўлиб, бундан аввал ушбу корхонада жами 7 миллион доза ZF-UZ-VAC2001 хитой-ўзбек вакцинаси ишлаб чиқарилган бўлиб, унинг 1 458 820 дозаси эмлаш учун топширилган.

Шундай қилиб, Ўзбекистонда эмлаш жараёнларида фойдаланилаётган жами вакцина 28 473 528 дозани ташкил қилмоқда.

Улардан: 

• 1 594 480 дозаси AstraZeneca,
• 21 958 488 миллион дозаси ZF-UZ-VAC2001,
• 720 500 дозаси Sputnik V, 
• 3 000 060 дозаси Moderna,
• 1 200 000 дозаси Pfizer/BioNTech вакцинасидир.

Шундан 22 721 129 дозаси эмлаш жараёнларида қўлланган бўлиб, 5 226 139 нафар киши коронавирусга қарши барча босқичларда тўлиқ эмланди.