Навоийда қарздор ота 80 млн сўм алимент тўлади

Зарафшон шаҳрида қарздор ота фарзандининг таъминоти учун бирйўла 80 млн сўм алимент пулини тўлаб берди. Бу ҳақда Kun.uz'га МИБ Навоий вилояти бошқармаси ахборот хизмати хабар берди.

Маълум қилинишича, фуқаролик ишлари бўйича Зарафшон туманлараро судининг 2016 йил 6 сентябрдаги ижро ҳужжатига асосан фуқаро Д.К.дан ундирувчи И.У. фойдасига бир нафар фарзандининг таъминоти учун алимент ундириш белгиланган. Олиб борилган профилактик суҳбат натижасида Д.К. томонидан фарзанди 18 ёшга тўлгунга қадар бўлган давр учун 80 млн сўм алимент пули тўлаб берилган.

Олдинроқ карманалик ота 73,3 млн сўм алимент пулларини олдиндан тўлаганди.