Қўшимча функционаллар
-
Тунги кўриниш
Россиянинг носозликка учраган самолёти Бухоро халқаро аэропортида таъмирланди
Россия Федерациясининг «SMARTAVIA» авиаташувчисига тегишли, ўта янги типдаги Airbus 320NEO авиалайнерининг двигатели паррагидаги куракчалар «Uzbekistan Airways Technics» МЧЖ ходимлари томонидан муваффақиятли алмаштирилган.
Фото: Telegram / Tashkent_SkyNews
Жараён Бухоро халқаро аэропортида 29 октябр куни ўтказилган. «Uzbekistan Airways Technics» МЧЖ мутахассислари илк марта бундай таъмирлаш билан шуғулланишди, деб ёзмоқда корхона расмий сайти.
Самолётнинг CFMI Leap-1A русумли биринчи двигателидаги паррак қурилмасининг 4-куракчаси номаълум жисм тегиши натижасида нуқсонга учраган, шу сабабли уни тезлик билан алмаштириш талаб этилган.
Масала жуда мураккаб ва масъулиятли бўлиб, параметрларни ўлчаш ва двигател тизимининг ишга яроқлигигини синовдан ўтказиш билан боғлиқ аниқ текширувларни ўз ичига қамраб олади. Куракчалар алмаштирилгач, двигателлар ўрнатилган тартибга қатъий риоя қилинган ҳолда ишга туширилади. Бу ишларнинг барчаси «Uzbekistan Airways Technics» МЧЖнинг юқори малакали мутахассислари саъй-ҳаракатлари билан амалга оширилган.
МДҲ ҳудудида етакчи техник хизмат кўрсатиш марказларидан бири саналувчи «Uzbekistan Airways Technics» техник хизмат кўрсатиш бўйича маъқулланган ташкилот бўлиб, Европа (EASA Part-145) ҳамда Ўзбекистон, Россия Федерацияси, Бермуд ороллари, Кувайт, Қозоғистон ва Тожикистон каби давлатларнинг авиация ҳукумати сертификатларига эга.
Эслатиб ўтамиз, «Uzbekistan Airways» миллий авиакомпанияси паркида ҳам суперзамонавий иккита Airbus A320 NEO самолётлари мавжуд. Улардан биринчиси 2019 йил 11 март куни Тошкентга келиб қўнган.
Мавзуга оид
14:01 / 15.11.2024
Лавров самолётига хорижда ёнилғи қуйишдан бош тортишаётганидан шикоят қилди
21:10 / 10.11.2024
Тошкентдан Жиддага учган самолёт ортга қайтишга мажбур бўлди
12:02 / 02.11.2024
Мюнхендан Шанхайга учаётган самолёт Тошкентга фавқулодда қўнди
11:56 / 02.11.2024