Қорақалпоғистонда 3та машина иштирокидаги ЙТҲда икки киши вафот этди
Жорий йилнинг 1 ноябрь куни соат 18:00ларда Қорақалпоғистон Республикаси, Амударё тумани ҳудудидан ўтувчи 4-Р181 “Қипчоқ-Манғит-Туркманистон” автомобиль йўлининг 12-13-километрлари оралиғида йўл-транспорт ҳодисаси содир бўлган.
ИИВ ЙҲХББ хабарига кўра, ҳайдовчи, 1968 йилда туғилган У.Ю. "Lifan" русумли юк ташувчи мотоциклда ҳаракатланаётиб, кескин ортга бурилиши натижасида орқадан ҳаракатланиб келган ҳайдовчи, 1956 йилда туғилган К.Б. бошқарувидаги "Nexia" билан тўқнашган ва бунинг оқибатида "Nexia" қарама-қарши йўналишга чиқиб кетиб, ҳайдовчи, 1963 йилда туғилган Ф.М. бошқарувидаги "Isuzu" русумли юк автомобили билан тўқнашган.
Тўқнашувлар натижасида, "Nexia" русумли автомобиль йўловчиси, 1960 йилда туғилган А.Р. оғир тан жароҳатлари олиб воқеа жойида ва унинг 2017 йилда туғилган набираси Б.Р. шифохонада вафот этган. Ушбу автомобиль ҳайдовчиси К.Б. ва яна икки нафар йўловчи оғир тан жароҳатлари билан шифохонага ётқизилган.
Мазкур ЙТҲ юзасидан Амударё тумани ИИБ ТБ томонидан терговга қадар суриштирув ишлари олиб борилмоқда.
Мавзуга оид
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024
АҚШда 38 яшар ўзбекистонлик тракчи ЙТҲ туфайли вафот этди
13:07 / 27.07.2024
Қамчиқ довонида 3 та юк автомобили ва Mercedes-Benz Sprinter иштирокида ЙТҲ юз берди
07:35 / 27.07.2024