Қўшимча функционаллар
-
Тунги кўриниш
Мянмада америкалик журналист 11 йилга қамалди
Суд 37 ёшли Дэнни Фенстерни виза режимини бузиш ва тақиқланган ташкилотлар билан мулоқот қилишда айбдор деб топган.
Мянма суди террорчилик фаолияти ва исёнга даъват қилишда айбланган америкалик журналист Дэнни Фенстерни 11 йилга озодликдан маҳрум қилди, деб хабар берди Reuters агентлиги.
Frontier Myanmar интернет журнали бош муҳаррири бўлган 37 ёшли Фенстер исёнга даъват қилиш ҳамда иммиграция ва ноқонуний бирлашмалар тўғрисидаги қонунларни бузишда айбдор деб топилган. Агентликнинг ёзишича, у охирги йилларда Мянмада қамоққа ҳукм қилинган биринчи ғарблик журналистдир.
Суд уни виза режимини бузиш ва тақиқланган ташкилотлар билан мулоқот қилишда айбдор деб топган.
Мянмада шу йилнинг февралида ҳукумат тепасига ҳарбийлар келганди. Улар қатор фаоллар ва парламент аъзоларини ҳибсга олган ҳамда ҳукмрон «Демократия миллий лигаси» партиясини 2020 йил ноябрдаги сайловлар натижаларини сохталаштиришда айблаган.
Мавзуга оид
21:24 / 25.04.2025
Мянмада зилзила ҳақида нотўғри прогнозлар тарқатган тиктокер ҳибсга олинди
20:02 / 18.04.2025
Таиланд Мянмада қулликдан озод этилган 7 минг кишини ватанига юборди
15:18 / 13.04.2025
Мянмада одам савдоси қурбони бўлган икки ўзбекистонлик ватанга қайтарилди
10:23 / 03.04.2025