Мисрда чаёнлар ҳужуми: уч киши ҳалок бўлиб, юзлаб кишилар жабрланди

Мамлакат жанубида, Нил дарёси ёқасида жойлашган Асуан шаҳри ҳашоратлар ҳужумига учраган. Мамлакат соғлиқни сақлаш вазирлиги мутасаддисининг сўзларига кўра, сув тошқинидан кейин шаҳарда 450 нафардан ортиқ кишини чаён чаққан.

Жума куни Нил дарёси атрофидаги ҳудудларда кучли ёмғир ёғиб, жала ва дўл кузатилган, чаёнларни уларни доимий яшаш жойи - тоғ ва чўл ҳудудлардаги инларидан шаҳарлар томон йўналтирган. бундай об-ҳаво ушбу ҳудуд учун ноодатий ҳисобланади, натижада кўплаб чаёнлар ва илонлар кўчаларга оқиб келган.

Соғлиқни сақлаш вазирлигидан хабар беришларича, тоғлар ва саҳро яқинида жойлашган қишлоқлардаги тиббий марказларга заҳарга қарши воситаларнинг қўшимча дозалари юборилган.

Аҳоли вакцинациясига жалб қилинган тиббиёт ходимларининг бир қисми чаён чақишидан жабрланган кишиларга ёрдам кўрсатиши учун чақириб олинган.

Аҳоли уйдан чиқмасликка чақирилмоқда ва дарахтзорлар ичига кирмаслик тавсия этилмоқда.

Миср - семиз думли чаёнлар (Androctonus crassicauda) ватани ҳисобланади, бу дунёдаги энг хавфли чаён туридир. Бундай чаён заҳри оғир заҳарланиш чақиради ва чаён чаққан одам бир соат ичида вафот этиши мумкин. Қора чаён чақиши айниқса болалар ва кексалар учун хавфли ҳисобланади.

Чаён чақиши симптомлари сирасига нафас олишда қийналиш, мушаклардаги спазмлар ва бош айланишини келтириш мумкин.

Заҳарга қарши воситалар симптомлар пайдо бўлишидан олдин профилактик чора сифатида қўлланади, аммо бундай дори аломатлар ёмонлашишидан кейин ҳам самарали бўлиши мумкин.