Дам олиш кунлари ҳаво ҳарорати кўтарилади - «Ўзгидромет»

Бугун кундуз куни республика ҳудуди бўйича ёғингарчиликсиз об-ҳаво бўлиши кутилмоқда. Кун ўртасига бориб ҳаво ҳарорати 5-10 даража илиққача кўтарилади.

Фото: Kun.uz / Муҳаммаджон Ғаниев

“Ўзгидромет” хабарига кўра, дам олиш кунларида ёғингарчиликсиз об-ҳаво сақланиб туради, совуқ антициклон шарқий томонга қараб силжийди, ҳаво ҳарорати кўтарилади.

Эртага кечаси 1-6 даража совуқ, кундуз куни 8-13 даража илиқ бўлади. Якшанба куни ҳаво ҳарорати янада кўтарилади, кечаси ҳарорат 2 даража совуқ - 3 даража илиқ ўртасида бўлади, кундуз куни 14-17 даража илиққача кўтарилади.