Эйнштейннинг қўлёзмаси кимошди савдосида 11,7 млн еврога сотилди

Париждаги аукционда Алберт Эйнштейннинг қўлёзмаси 11,7 млн еврога сотилди. Бу илмий қўлёзмалар учун рекорд нарх ҳисобланади. Қўлёзмани ким сотиб олгани маълум қилинмаган.

Қўлёзма 54 саҳифадан иборат бўлиб, ярми Эйнштейн, қолган қисми унинг дўсти ва ҳамкасби, швейцариялик муҳандис ва физик Микеле Бессо томонидан тўлдирилган.

У 1913–1914 йилларда ёзилган. 

Christie’s кимошди савдоси уйи ушбу қўлёзмани 2-3 млн евро деб баҳолаганди.