Red Wings Махачқалъадан Навоийга парвозларни йўлга қўяди

Доғистондан биринчи рейс 25 декабрга белгиланган.

Фото: Pinterest

Red Wings авиакомпанияси Махачқалъадан Ўзбекистоннинг Навоий шаҳрига парвозларни йўлга қўймоқда. Махачқалъа аэропорти матбуот хизматининг ТАСС’га хабар беришича, тўртта рейс режалаштирилган.

«Red Wings авиакомпанияси Махачқалъадан Навоий шаҳрига парвозларни бошлайди. Доғистондан парвозлар 25 декабрь ва 8 январга, ортга эса мос равишда 26 декабрь ва 9 январга белгиланган», - деди агентлик суҳбатдоши.

Унинг сўзларига кўра, рейслар 100 нафаргача йўловчини сиғдира оладиган Sukhoi Superjet 100 самолётларида амалга оширилади.

«Бундан ташқари, Махачқалъа аэропорти ички рейслар географиясини кенгайтирмоқда. Кечагина биз Волгограддан биринчи тўғридан тўғри рейсни амалга оширдик», - дея қўшимча қилган Махачқалъа аэропорти вакили.