Тошкент–Андижон йўналишида қўшимча поезд қатнови йўлга қўйилади

Декабр ойи давомида ҳафтанинг пайшанба кунлари қўшимча поездлар қатнови амалга оширилади.

Фото: Kun.uz

“Тошкент–Андижон–Тошкент” йўналишида ҳаракатланаётган 60/59-сонли йўловчи поезди 9 декабрдан бошлаб қўшимча равишда ҳафтанинг пайшанба кунлари ҳам қатнайди.

Хусусан, 9, 16, 23, 30 декабрь кунлари амалдаги жадвал асосида Тошкент марказий ҳамда Андижон темирйўл вокзалларидан қатнов ҳаракатлари амалга оширилади.

“O‘ztemiryo‘lyo‘lovchi” АЖга кўра, бундан йўловчиларга янада кўпроқ қулайлик яратиш мақсад қилинган.

Аввалроқ, декабр ойида Россиядан Ўзбекистонга 8 марта йўловчи поезди қатнови амалга оширилиши хабар қилинганди.