Қўшимча функционаллар
-
Тунги кўриниш
Ўзбекистон коррупция даражаси бўйича халқаро рейтингда 140-ўринни эгаллади
“Transparency International” халқаро ташкилоти 2021 йил учун “Коррупцияни қабул қилиш индекси”нинг янгиланган рейтингини эълон қилди.
Рейтингга кўра, Ўзбекистон 2020 йилга нисбатан 6 поғонага кўтарилиб, 180 мамлакат орасида 140-ўринни эгаллади.
Коррупцияга қарши курашиш агентлиги директори Акмал Бурҳоновнинг хабар беришича, Ўзбекистон индексда сўнгги беш йил давомида барқарор ўсиш (2017 йилда 22 баллдан 2021 йилда 28 баллгача) қайд этиб, минтақадаги тез суръатларда яхшиланиб бораётган давлатлар қаторида эътироф этилган.
Коррупцияни қабул қилиш индекси давлат секторида коррупция даражаси бўйича экспертлар ва тадбиркорлар баҳолари асосида 0дан (коррупцияни қабул қилишда энг юқори кўрсаткич) 100га қадар (энг паст) шкала бўйича ҳисоб-китоб қилинади.
Шу билан бир қаторда, рейтингда Ўзбекистон 28 баллни қайд этди.
Коррупцияни қабул қилиш индекси давлат секторида коррупция даражасини акс эттириб, уни ишлаб чиқишда қатор манбалардан, шу жумладан, экспертлар баҳолари ва ишбилармон доиралар вакиллари ўртасида ўтказилган сўровномалардан фойдаланилади.
Рейтингда 88 балл билан Дания, Финландия ва Янги Зеландия етакчиликни қўлга киритди. Топ-10 рейтингдан Норвегия, Сингапур ва Швеция (85 баллдан), Швейцария (84), Нидерландия (82), Люксембург (81) ва Германия (80 балл) ҳам жой олди.
Энг ёмон кўрсаткични Жанубий Судан (11 балл), Сурия ва Сомали (13 баллдан), Венесуэла (14 балл) ва Яман қайд этди (16 балл).
Мавзуга оид
23:54 / 13.03.2025
Индонезия президенти коррупционерлар учун қамоқхона қурилишини эълон қилди
13:20 / 13.03.2025
Бош прокуратурада жиноятчиликнинг олдини олиш масаласида идоралараро йиғилиш бўлиб ўтди
11:44 / 05.03.2025
Бош вазирга 117 та вазирлик ва идорадаги «коррупцияга қарши ички назорат» тузилмалари раҳбарларини ишдан олиш топширилди
11:30 / 05.03.2025