Қўшимча функционаллар
-
Тунги кўриниш
ОТБ Ўзбекистонда 2,8 миллиард долларлик лойиҳаларни амалга оширади
Жорий йил 2 февраль куни Ўзбекистон бош вазири ўринбосари - инвестициялар ва ташқи савдо вазири Сардор Умрзоқов Осиё тараққиёт банки президенти Масацугу Асакава билан видеоконференция тарзида музокара ўтказди.
Инвестициялар ва ташқи савдо вазирлиги хабарига кўра, музокара давомида икки томонлама ҳамкорлик ва қўшма лойиҳаларни амалга ошириш масалалари муҳокама қилинди.
Инфратузилмавий ривожланиш, энергетика, уй-жой коммунал хўжалиги, соғлиқни сақлаш ва қишлоқ хўжалиги соҳаларида ОТБ билан биргаликда амалга оширилаётган умумий қиймати 5 миллиард долларлик 29 лойиҳанинг ҳозирги ҳолати кўриб чиқилди.
ОТБнинг 2022-2024 йилларга мўлжалланган мамлакатлар билан операцияларнинг бизнес-режаси доирасида Ўзбекистонда умумий қиймати 2,8 миллиард долларга тенг бўлган 27 лойиҳа амалга оширилиши режалаштирилган бўлиб, шундан 524 миллион долларлик 3 лойиҳа 2022 йилда ҳаётга жорий этилади.
Томонлар маъқулланган ташаббусларни амалга оширишни жадаллаштириш ва кўриб чиқилаётган лойиҳаларни келишиш бўйича яқиндан ҳамкорлик қилиш тўғрисида келишиб олди.
Мавзуга оид
13:28 / 16.04.2024
Жаҳон банки ва Осиё тараққиёт банки Ўзбекистон иқтисодиёти бўйича янги прогнозларни тақдим этди
10:03 / 28.02.2022
Ўзбекистон ва Саудия Арабистони тўғридан тўғри мунтазам авиақатновни йўлга қўймоқчи
10:45 / 23.02.2022
Афғонистон Ўзбекистоннинг Марказий Осиёдаги инфратузилмавий лойиҳаларини қўллаб-қувватлайди
10:36 / 22.02.2022