Лукашенко президентликдан қачон кетиши мумкинлигини айтди

Унинг фикрича, мамлакат Лукашенконинг ўрнини эгаллайдиган инсонни аниқлаб олиши керак.

Фото: AP

Беларусь президенти Александр Лукашенко давлат раҳбарлигидан кетиши шартини айтди. Унинг сўзларига кўра, мамлакатда вазият барқарорлашганида ўз лавозимини тарк этади.

Лукашенко Беларусни яна қанча вақт бошқаришни мўлжаллаётгани тўғрисидаги саволга у уруш ёки 2020 йилдаги каби воқеалар юз берадиган бўлса «ҳар доим» бошқаришини айтди.

Унинг фикрича, мамлакат Лукашенконинг ўрнини эгаллайдиган инсонни аниқлаб олиши керак.

«Ҳаммаёқ тинч бўлса, сиз айтаётган "ким, ким"ни аниқлаймиз», — деди Беларусь президенти.

Александр Лукашенко ўзини умрининг охиригача давлат раҳбари бўлган Леонид Брежневга қиёслади.

«Ҳозир у нафақат вазиятга, атрофидаги одамларга ҳам боғланганини тушуняпман, уни қўллаб-қувватлашган», — деди у.