Қўшимча функционаллар
-
Тунги кўриниш
Тошкент вилоятида 16 метрли қудуққа тушиб кетган фуқаро қутқарилди
Фуқаро кучук боласини қутқариш учун қудуққа тушаётганда арқони узилиб кетади.
Фото: ФВВ матбуот хизмати
ФВВ ахборот хизматининг хабар беришича, воқеа 7 январь куни Тошкент вилояти Ангрен шаҳар Бунёдкор кўчасида юз берган.
Маълум бўлишича, фуқаро В.Б. ичимлик сувини чиқариш учун мўлжалланган чуқурлиги 16 метр бўлган қудуқ ичига тушиб кетган кучук боласини олиб чиқмоқчи бўлган. Аммо у осилиб тушаётган арқон кутилмаганда узилиб кетиши натижасида қудуққа тушиб кетган.
Қутқарувчиларнинг саъй-ҳаракатлари натижасида фуқаро ва кучук боласи қудуқ ичидан олиб чиқилди.
Аввалроқ, Марокашлик Райан исмли 5 яшар бола 1 февраль куни 32 метр чуқурликдаги қудуққа тушиб кетгани ортидан кенг кўламли қутқарув операцияси бошлангани ва қудуқ тор бўлгани сабабли қутқарувчилар боланинг ёнигача бориш учун параллел туннель қазишгани ҳақида хабар берилган эди. Қутқарувчилар етиб боргунича эса Райанга сув, овқат ва кислород ниқоби етказиб берилган. Бироқ қутқарувчилар етиб борганида у жон таслим қилган эди.
Мавзуга оид
19:57 / 22.11.2024
«Тошкент вилояти сув таъминоти» АЖ мутахассиси 1,6 минг доллар билан ушланди
21:23 / 21.11.2024
Тошкент вилоятида ҳожатхона учун қазилган чуқурга тушиб кетган фуқаро қутқарилди
14:12 / 15.11.2024
Дилшод Султонов шаҳар ҳокимлигидан ҳам кетди
08:14 / 14.11.2024