Украина инқирози: 30 давлат ўз фуқароларини Украинани тарк этишга чақирди

11 февраль куни АҚШ президенти Жо Байденнинг администрацияси Россия Украинага босқинга етарлича тайёргарлик кўргани ва ҳужум «исталган вақтда» бошланиши мумкинлигини маълум қилди. Оқ уй америкаликларга яқин икки кун ичида мамлакатни тарк этишни маслаҳат қилган, бу кўп ўтмай авиаташувлар билан боғлиқ вазият мураккаблашиши мумкинлиги билан изоҳланган. Бир кун ичида Украинани тарк этиш ёки ушбу ҳудудга боришдан тийилиш бўйича чақириқлар билан 30 мамлакат ўз фуқароларига мурожаат қилди.