2026 йилгача олтита вилоятда 15 та янги ГЭС қурилади

Энергетика вазирлигининг хабар беришича, Янги Ўзбекистоннинг 2022–2026 йилларга мўлжалланган Тараққиёт стратегиясига мувофиқ, 2026 йилгача Ўзбекистоннинг олтита вилоятида 15 та янги ГЭС қурилади. Мавжуд 5 та ГЭС модернизация қилинади.

Натижада, йилига қўшимча 868 МВт электр энергиясини ишлаб чиқариш қувватлари барпо этилади.

Жумладан:

• 2022 йилда Самарқанд, Сурхондарё ва Тошкент вилоятларида умумий қуввати 173 МВтга тенг бўлган қўшимча гидроэлектрстанциялар яратиш бўйича 7 та;
• 2023 йилда Тошкент вилоятида 1 та ГЭС модернизацияси якунланади ҳамда Қашқадарё ва Андижон вилоятларида жами қуввати 29 МВт бўлган 2 та;
• 2024 йилда Андижон, Наманган, Сурхондарё ва Тошкент вилоятларида 1 та ГЭС модернизацияси якунланади ҳамда жами қуввати 122 МВт бўлган 4 та;
• 2025-2026 йилларда Қашқадарё ва Тошкент вилоятларида жами қуввати 544 МВт бўлган 4 та ГЭСлар ишга туширилади.

Ушбу амалга оширилган ишлар ҳисобига, 2026 йилга бориб Ўзбекистонда гидроэлектрстанцияларнинг умумий қуввати 2 920 МВтга етказилади.