Қўшимча функционаллар
-
Тунги кўриниш
Тошкентда 783 млн сўм кредитга криптовалюта сотиб олган фуқаролар аниқланди
Миробод туманида кредит маблағлари эвазига криптовалюта сотиб олган фуқаролар аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Фото: Getty Images
Қайд этилишича, департаментнинг Миробод туман бўлими томонидан терговга қадар текширув ўтказилган.
Фуқаролар М.Н., М.Ш. ва М.Х. тумандаги тижорат банкидан ўзи ва танишлари номига 783,6 млн сўм кредит ажратишга эришиб, кредит маблағини талон-торож қилгани, шунингдек, ушбу маблағ эвазига “B.” номли биржа иловаси орқали 36 000 АҚШ долларини “криптовалюта савдоси”га тиккани ҳамда “Спарк” ва “Жентра” автомашиналарини сотиб олиб, жиноий фаолиятдан олинган мулкни легаллаштиргани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилган.
Маълум қилинишича, ҳозирда тергов ҳаракатлари ўтказилмоқда.
Мавзуга оид
20:15 / 27.05.2025
Францияда криптомиллионерларни ўғирлаш иши бўйича 20 дан ортиқ шахс ҳибсга олинди
19:26 / 26.05.2025
Андижонда танишлари орқали 100 минг доллар кредит олиб беришни ваъда қилган шахс ушланди
20:26 / 15.05.2025
Криптофирибгарлар Telegram орқали 27 млрд доллар пул ювгани маълум бўлди
18:22 / 28.04.2025