Полша президенти самолёти хавфли қўнишни амалга оширди

АҚШ президенти Жо Байден билан Жешув шаҳрида учрашиш учун ҳавога кўтарилган Полша президенти Анжей Дуданинг самолёти Варшавада ҳалокатли қўнишни амалга оширди. Бу ҳақда Полша президенти девонхонаси вакили Якуб Кумох маълум қилди.

Фото: PAP

"Президент Дуда ўтирган самолёт ҳалокатли қўнишни амалга оширди", - дея Кумохнинг сўзларидан иқтибос келтирган Полша матбуот агентлиги.

"Полша ва АҚШ президентларининг Жешувга ташриф дастурига озгина ўзгартириш киритилади. Президент Анжей Дуда Жешувга етиб келганидан сўнг президент Жо Байденни кутиб олиш маросими ўтказилади", - деган у.

Полша телевидениесининг маълумот беришича, Дуда захира самолётда Варшавадан учиб кетган.

Байден ўз самолётида Дуданинг етиб келишини кутмоқда.

АҚШ президентининг Европага ташрифи доирасида ЕИ мамлакатларининг Россия гази ва нефтидан мустақил бўлишлари масаласи муҳокама қилинади.