Дам олиш кунлари об-ҳаво иссиқ бўлади

Бугун Ўзбекистон бўйича кам булутли ва илиқ об-ҳаво бўлиши кутилмоқда. Кундузи ҳаво ҳарорати 28-33 даража иссиқни ташкил этади.

Фото: Kun.uz

“Ўзгидромет” хабарига кўра, дам олиш кунлари ҳудудларнинг катта қисмида ёғингарчиликсиз об-ҳаво сақланиб туради, фақат Қорақалпоғистон ва Хоразмда ҳаво булутли бўлиши баъзи жойларда қисқа муддатли ёмғир ёғиб, момақалдироқ бўлиши мумкин.

Чўл ҳудудларда ва шимолда баъзи жойларда шамол 17-22 м/с гача кучаяди, айрим жойларда чанг кузатилади.

Шу кунларда ҳаво ҳарорати кечалари 14-19 даража илиқни, кундуз кунлари 30-35 даража иссиқни ташкил этади, бу меъёрий қийматлардан 6-8 даражага юқори бўлади.