Отишмалардан зада бўлган аёл ва ҳайвонот боғига ҳужум. Уруш суратлари

Урушнинг 72-кунида Украина қуролли кучлари Бош штаби украин ҳарбийлари Харков областида бешта аҳоли пунктини қайтариб олишга муваффақ бўлганини маълум қилди. Украина томони Змеиний ороли яқинида россияликлар фрегати ёниб кетганини хабар қилди (Рада депутати Алексей Гончаренко «Адмирал Макаров» кораблига «Нептун» ракеталари билан зарба берилганини ёзган). Мариуполдаги тинч аҳоли вакиллари яширинган «Азовстал» заводи ҳудудидан яна 50 киши эвакуация қилинди.

Угледар шаҳридан бўлган 93 ёшли Диденко Екатерина Запорожьедаги қочқинлар марказида рўйхатдан ўтаётган қизини кутмоқда
AP Photo/Evgeniy Maloletka

Украинадаги уруш. Сўнгги маълумотлар

Мариуполдаги «Азовстал» ҳудудидан 50 киши эвакуация қилинди, шанба куни навбатдаги уриниш бўлади.
Зеленский тунги мурожаатида завод ҳудудида қуршовда қолган ҳарбийларни олиб чиқиб кетишнинг дипломатик ечимини топиш учун «нуфузли воситачиларни жалб қилгани»ни айтди.
Россиялик ҳарбийлар жума куни кечқурун Одесса области ҳудудига икки бор ракета зарбаси йўллаган. Қурбонлар йўқ.
BBC рус хизмати урушда ҳалок бўлган 2120 нафар россиялик ҳарбийларнинг исм-шарифларини аниқлади.
Навбатдаги асирлар алмашинуви ўтказилди: Украина 41 кишини, жумладан 13 нафар тинч аҳоли вакилини асирликдан қайтарди.
АҚШ Украинага навбатдаги ҳарбий ёрдам пакетини маъқуллади: бу ёрдам ўқ-дорилар, шунингдек радарлар ва 150 млн долларлик бошқа қурилмаларни ўз ичига олади.

Харков