Ташландиқ машинада яшаётган аёл ва уйлар ўрнидаги ўралар. Уруш суратлари

Украина вице-премьери Ирина Верешчукнинг маълум қилишича, урушнинг 73-кунида Мариуполдаги «Азовстал» заводидан барча аёллар, болалар ва кекса ёшли кишилар эвакуация қилинган. РФ мудофаа вазирлигига кўра, 5-7 май кунлари заводдан 51 киши олиб чиқилган. «Азовстал»дан шу вақтгача 300 нафар атрофида тинч аҳоли вакиллари эвакуация қилинган.

Киев области Макаров посёлкаси яқинида яксон этилган рус танки устида турган қизча.
Mikhail Palinchak / Reuters / Scanpix / LETA

Украинадаги уруш. Сўнгги маълумотлар:

Зеленский «Азовстал» заводидан 300 дан ортиқ тинч аҳоли вакили олиб чиқилганини маълум қилди. У ҳозирда ҳукумат халқаро ташкилотлар билан ҳамкорликда яраланган ҳарбийлар эвакуацияси устида иш олиб борилаётганини қўшимча қилди.
Рамзан Қодиров чечен ҳарбийлари Луганск областидаги Попасная шаҳрининг катта қисмини назорат остига олганини айтди, аммо украин расмийлари шаҳар учун жанглар давом этаётганини маълум қилган.
Луганск области маъмурияти Белогоровка посёлкасига бомба келиб тушиши оқибатида катта эҳтимол билан 60 киши ҳалок бўлганини маълум қилган. Харобалар остидан 30 киши қутқариб олинган.
ЖССТ Россиянинг Украинада тиббий муассасаларга зарба бериш орқали ҳарбий жиноятлар содир этилишига алоқадорлигини текширади.
Украина ТИВ раҳбари «Украинага қарши жиноятлар учун» махсус трибунал таъсис этишни таклиф этди.
Британия Украинага ҳарбий ёрдам учун яна 1,6 млрд доллар ажратади. Янги ёрдам пакети аввалгисидан икки баробар кўпроқни ташкил этади.
МРБ директори Уильям Бёрнс Путин мағлубиятни тан ололмаслиги туфайли Украинадаги урушни давом эттирмоқчилигини айтди.

Қуйида 7 май куни Украинанинг турли ҳудудларида олинган суратлар.

Харков области