Мариупол атрофида янги қабристон, Донбассда ертўладаги болалар. Уруш суратлари

15 май куни Мариупол маъмурияти Россияни шаҳар ҳудудида фосфорли ўқ-дорилар қўллашда айблади, Украина судга қадар текширувлар бошлади. Украинадан бўлган Kalush Orchestra рэп-гуруҳи «Евровидение»да ғолиб бўлди — гуруҳ вокалисти Олег Псюк Мариупол ва шаҳардаги сўнгги қаршилик ўчоғи бўлган «Азовстал»га ёрдам беришга чақирди. Белгород области губернатори Вячеслав Гладков Середа посёлкаси Украина ҳудудидан туриб ўққа тутилди — дастлабки маълумотларга кўра, бир киши яраланган. Ҳудуд маъмурияти раҳбари Сергей Гайдайнинг маълум қилишича, Украина назоратида Луганск области ҳудудининг атиги 10 фоизи қолган.

Германия ташқи ишлар вазири Анналена Бербок Берлинда НАТО давлатлари ташқи ишлар вазирлари учрашувида. Унда альянс бош котиби Йенс Столтенберг ҳам видеоалоқа орқали иштирок этди. Фото: Kevin Lamarque/Pool via AP

Украинадаги уруш. Сўнгги маълумотлар

Николаев ва Херсонда тунда кучли портлаш овозлари эшитилди - шаҳарлар ўққа тутилгани тахмин қилинмоқда. Николаев мэри шаҳарда бир портлаш рўй берганини тасдиқлаган, маҳаллий нашрлар «авиазарба» ҳақида хабар берган. Украина қуролли кучлари Долгенькое, Русские Тишки, Терновая ва Петровка аҳоли пунктларидаги фуқаролик инфратузилмалари ўққа тутилганини маълум қилган.
Володимир Зеленский ҳудудий мудофаа кучлари қўмондонини ўзгартирди. У бу лавозимдан Юрий Галушкинни бўшатди ва Игор Танцюрни тайинлади. Тайинловга қадар Танцюр қуруқлик қўшинлари қўмондони ўринбосари бўлган.
Украина қуролли кучлари ҳудудий мудофаа кучларининг Харков шаҳридаги 127-бригадасининг 227-батальони россиялик ҳарбийларни чекинтирди ва якшанба куни Россия билан чегараларгача чиқди.
Киевда 17 майдан Ҳиндистон элчихонаси фаолияти ҳам тикланади - февралда бу элчихона Польшага эвакуация қилинганди. Шунингдек АҚШнинг Киевдаги элчихонаси ҳам тўлиқ қайтиши кутилмоқда.

Донбасс шимоли