Ўрикзор бозори ҳудудида иссиқ сув қувури ёрилиб кетди

Ижтимоий тармоқларда Ўрикзор бозори ҳудудида иссиқ сув трубаси ёрилгани бўйича видеолар тарқалди. Уй-жой коммунал хизмат кўрсатиш вазирлиги ҳодиса бўйича расмий маълумот берди.

Видеодан кадр

Вазирликнинг маълум қиламизки, ҳозирги вақтда барча коммунал тизимларда куз-қиш мавсумига синов-тайёргарлик ишлари кетмоқда.

“Хусусан, иссиқ сув трубаси ёрилган ушбу бозор ҳудудидан ўтган тармоқда ҳам катта босимда синов ишлари олиб борилаётган бўлган ва Д-800 мм магистрал иссиқлик тармоғида қувур ёрилиши кузатилган”, дейилади маълумотда.

Вазирлик ахборотида айтилишича, айни дақиқада мутахассислар ҳолатни бартараф этиш бўйича ишламоқда.