АҚШ россияликлар учун бепул VPN лойиҳасини молиялаштиради

Россияда уруш бошлангандан буён кўплаб сайтлар, интернет сервислар блокланган ва шу сабаб кўплаб россияликлар блокланган ресурслардан пул тўлаб VPN ёрдамида фойдаланмоқда.

Фото: Depositphotos

АҚШ ҳукумати молиялаштирадиган OTF очиқ технологиялар фонди Россия ҳудудида бепул VPN хизмати тақдим этадиган компанияларга пул тўлаб беришини эълон қилди.

Украинада уруш бошлангач россияликлар блокланган сайтларни ўқиш учун VPNдан янада фаол фойдалана бошлашди. OTF ҳисоб-китобига кўра, миллионлаб россияликлар Latern, Psiphon ва nthLink компаниялари тақдим этадиган VPNлардан фойдаланади. Фойдаланувчилар сони ошиб кетгач, VPN хизмати тақдим этувчи компанияларнинг харажатлари кўпайиб кетди, санкциялар кучга киргач эса даромадлар камайган. Оқибатда компаниялар Россияни тарк эта бошлади.

VPN компаниялари Россияни тарк этмаслиги, улар зарарга ишламаслиги учун АҚШ фонди молиялаштириш сиёсатини амалга оширишга қарор қилган. Lantern ва Psiphon компаниялари Россияда уруш бошланган илк кунларда блоклаш ҳолатлари кузатилмагани, кейинчалик баъзи оддий нарсалар блоклана бошлаганини маълум қилган.

Блокланган интернет сервислар сони кўпайгани сари VPN сервисларининг харажатлари кўпайиб кетган. OTF фонди VPN компанияларини молиялаштириш учун одатда йиллик 3-4 миллион доллар сарфлайди, аммо бу йил Россия томонидан цензура кучайгани учун харажатлар анча ошиши кутилмоқда.