Жаҳон | 21:57 / 07.07.2022
11383
1 дақиқада ўқилади

Полиция Нигериядаги черков ертўласидан 77 кишини озодликка чиқарди 

Руҳонийлар одамлар черковда қолиши ва Исо пайғамбарнинг қайтишини кутишлари кераклигини таъкидлашган.

Фото: AP

Полиция Нигериядаги черков ертўласида Исо пайғамбарнинг қайтишини кутаётган 77 кишини озодликка чиқарди.

Полициячилар бир аёл фарзандлари йўқолиб қолганини билдирганидан сўнг ёрдамга келган. Аёл болалари черковда бўлиши мумкинлигини айтган.

Патрул ходимлари черков ертўласида маҳаллий руҳоний ва унинг ёрдамчиси тутиб турган 77 кишини топишган.

Руҳонийлар одамлар черковда қолиши ва Исо пайғамбарнинг қайтишини кутишлари кераклигини таъкидлашган. Маълум бўлишича, айрим одамлар ертўлада бир неча ойдан буён тутиб турилган. 

Руҳоний ва унинг ёрдамчиси қўлга олинган, бироқ улар одамларни мажбуран тутиб тургани борасида далил топа олишмаган — кўпчилик ертўлада ўз ихтиёри билан яшаганини таъкидлаган. 

Дилшод Аскаров
Тайёрлаган Дилшод Аскаров
Kun.uz янгиликларини Google News'да кузатинг
+ Обуна бўлиш

Мавзуга оид