Макрон «тўкин-сочинлик даври» тугаганини айтди

Тўқин-сочинлик, исрофгарчилик даври тугади, деди Франция президенти Эммануэл Макрон ҳукумат йиғилишида.

«Глобал исиш оқибатлари борган сари кучлироқ сезилмоқда. Бу йилги қурғоқчилик рекорд даражага етди», - деди Макрон.

«Биз йиллар давомида арзон, битмас-туганмас озиқ-овқатлар, ер, хомашё, сув тўкин-сочинлиги деб аталган даврнинг охиридамиз», - дея қўшимча қилди у.

Макроннинг фикрича, Франция ва Европа учун янги давр бошланди.

Франция президенти ҳукуматни тегишли чоралар кўришга, ҳушёр бўлишга ва зиммасидаги мажбуриятни бажаришга чақирди.