Кўп квартирали уйдаги айрим умумий мулкларни бошқа шахсга бериш тақиқланади

Жойлар мулкдорлари умумий мол-мулкдан ҳамда уйга туташ ер участкасидан фойдаланишда тенг ҳуқуқларга эга.

Фото: Kun.uz

“Ҳуқуқий ахборот” каналининг ёзишича, умумий мол-мулк айрим қисмлари, жойлар мулкдорларига ёки бошқа шахсларга жойлар мулкдорлари умумий йиғилиши қарорида белгиланган тартибда фойдаланишга берилиши мумкин.

Қуйидаги умумий мол-мулкларни бошқа шахсга бериш тақиқланади:

таянч ва тўсиқ конструкциялар;
квартиралар оралиғидаги иҳоталанган (ўрама) пиллапоялар;
зинапоялар;
лифтлар;
лифт шахталари ҳамда бошқа шахталар;
уй ичидаги муҳандислик тармоқлари ва коммуникациялари;
жойлар ташқарисида ёки ичида жойлашган ҳамда биттадан ортиқ жойга хизмат кўрсатадиган механик, электр, санитария-техника ускуналари ҳамда қурилмалари ва бошқа ускуна ҳамда қурилмаларни.