Жамоатчилик ғалабаси: омма фикри билан ҳисоблашилаётгани ростми?

Ҳар қандай демократик давлат борки аҳолининг фикри мунтазам ўрганилиб борилади. Муҳим сиёсий масалалар бўйича тўлақонли институтлар ишлайди, жамоатчилик кайфияти, трендга чиққан масалалар кузатилади, раҳбариятга мунтазам ахборот ва ечимлар борасида таклифлар киритилади. Ўзбекистонда ҳам шундай жараёнлар йўлга қўйилаётгани қувонарли. Бундай дейишга асос бор – жамоатчилик фикри бир неча йўналишларда конкрет натижаларга эришди.