Жаҳон | 16:00 / 03.10.2022

23923

4 дақиқада ўқилади

Украина жануби ва шарқида озод этилган шаҳар ва қишлоқлар. Уруш суратлари

2 октябр куни Володимир Зеленский Донецк областида украин ҳарбийлари 1 октябр куни кирган Лиман шаҳри — «тўлиқ тозалангани» ҳақида маълум қилди. РФ Конституциявий суди Украина ҳудудларини аннексия қилиш ҳақидаги шартномаларни тан олди, Владимир Путин эса Давлат думасига ушбу ҳудудларни Россия таркибига қабул қилиш тўғрисидаги қонун лойиҳасини киритди. РФ мудофаа вазирлиги сафарбар этилган россияликлар «махсус ҳарбий амалиёт ҳудудида» машғулот ўтаётгани ҳақида хабар берди.

Қуйида 2 октябр, урушнинг 221-кунида Украинанинг турли ҳудудларида олинган суратлар.

Озод этилган Купянскдаги ҳарбийлар

Украиналик ҳарбий Купянск-Узловойдаги темирйўл станцияси ҳудудидаги бинода. Харкив областида 10 сентябр куни озод этилган Купянск шаҳридан жануброқда жойлашган ушбу шаҳарча 27 сентябр кунига келиб Украина қуролли кучлари назоратига ўтди. Сентябр ойи охирида Россия қўшинлари Купянск атрофида автокарвонни ўққа тутиши оқибатида 20 киши ҳалок бўлган.
Yasuyoshi Chiba / AFP / Scanpix / LETA

Украина қуролли кучлари аскарлари Купянск-Узловойдаги темирйўл станцияси ҳудудида
Yasuyoshi Chiba / AFP / Scanpix / LETA

Купянскда полициячилар ўтлоқ орасидаги шубҳали буюмни чиқариб олишга ҳаракат қилмоқда. Шаҳар урушнинг илк кунларидаёқ РФ қўшинлари томонидан ишғол этилган ва сентябр ойи ўрталарида Изюм билан биргаликда Украина армияси назоратига қайтди.
Yasuyoshi Chiba / AFP / Scanpix / LETA

Сим орқали ўтлар орасидан олиб чиқилган шубҳали буюмни олиб кетаётган полициячи
Yasuyoshi Chiba / AFP / Scanpix / LETA

Украина шарқидаги жанглар оқибатлари

Купянскдаги мактабда вайронгарчиликлар
Yasuyoshi Chiba / AFP / Scanpix / LETA

Украин ҳарбийлари Изюм аҳолисига гуманитар ёрдам тарқатмоқда. 10 сентябр куни шаҳар озод этилгач, бу ерда оммавий қабр топилди — унда қарийб 450 аскар ва тинч аҳоли вакиллари жасадлари кўмилган. Изюмда ҳамон электр ва ичимлик суви йўқ.
Evgeniy Maloletka / AP / Scanpix / LETA

Харкив областидаги Каменка қишлоғи аҳолиси эвакуациядан қайтгач, бир-бирини қучмоқда. Каменка сентябр ойида Украина назоратига қайтди
Vladyslav Musiienko / Reuters / Scanpix / LETA

Донецк ва Харкив областлари чегарасидаги Долина қишлоғидаги вайронгарчиликлар. Россия армияси ушбу аҳоли яшаш манзилига кирмаган, аммо сентябр ойига қадар бу қишлоқ фронт чизиғида қолган. Украин нашрлари ёзишича, Долинада битта ҳам бутун бино қолмаган ва ҳозирда у ерда ҳеч ким яшамаяпти.
Vladyslav Musiienko / Reuters / Scanpix / LETA

Харкив областида ёниб кетган рус танки. Харкив области ҳарбий маъмурияти раҳбари Олег Синегубовнинг маълум қилишича, Купянск-Узловой посёлкаси озод этилгач, областнинг фақат 6 фоиз қисми Россия назоратида қолмоқда.
Oleg Petrasyuk / EPA / Scanpix / LETA

Каменка посёлкасида зирҳли техника билан босиб ўтилган автомобиллар
Vladyslav Musiienko / Reuters / Scanpix / LETA

Каменкада яксон бўлган ҳарбий техника яқинида турган аёл
Vladyslav Musiienko / Reuters / Scanpix / LETA

Украин ҳарбийлари россияликларнинг Изюм яқинида қўлга киритилган зирҳли транспортёри замбарагини демонтаж қилмоқда.
Vladyslav Musiienko / Reuters / Scanpix / LETA

Бахмутдаги украин танкчилари

Бахмутда буйруқ кутаётган украин аскарлари. Украина қуролли кучлари Бош штабига кўра, 1 октябр куни Украина қўшини россияликларнинг шаҳарга навбатдаги ҳужумини муваффақият билан қайтарган. Сўнгги уч ой мобайнида Бахмут мунтазам равишда зарба остида қолмоқда.
Inna Varenytsia / AP / Scanpix / LETA

Украинларнинг Т-64 танкидаги ўқ-дорилари
Inna Varenytsia / AP / Scanpix / LETA

Координаталарни ёзиб олаётган ҳарбий
Inna Varenytsia / AP / Scanpix / LETA

Украинлар танки россияликлар позициясини ўққа тутмоқда
Inna Varenytsia / AP / Scanpix / LETA

#Украина #уруш суратлари

2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

Мавзуга оид

20:12 / 22.11.2024

«Афтидан қўрқинчли, аммо ҳеч нарсани ўзгартиролмайди» — «Орешник» қанақа ракета?

14:17 / 22.11.2024

Венгрия Украина билан чегарада ҲММ тизимларини ўрнатиш ниятида

09:12 / 22.11.2024

Британия Украинадаги вазият кескинлашганини маълум қилди

22:23 / 21.11.2024

Россия «Рубеж»ни ишга солди. Бу ракета ядровий каллакни ҳам олиб уча олади