Кеннедининг набира жияни Украинада кўнгилли сифатида жанг қилган 

Унинг сўзларига кўра, Украина халқаро легиони таркибида қисқа муддат уруш зонасида бўлган. 

«Кўпчилик қатори мен йил давомида Украинада содир бўлган воқеалардан қаттиқ таъсирландим. Мен ёрдам бермоқчи эдим. Украина халқаро легиони ҳақида эшитганимда, унга қўшилишим кераклигини тушундим. Эртаси куни рўйхатдан ўтиш учун элчихонага бордим», — деб ёзди Конор Кеннеди ижтимоий тармоқда. 

Унинг сўзларига кўра, фақат бир кишига легионга қўшилганини айтган, яна бирига эса ҳақиқий исмини ошкор қилган. 

«Мен оилам ёки дўстларимнинг ташвишланишини хоҳламадим ва улар менга бошқача муносабатда бўлишини ҳам хоҳламадим», деб тушунтирди Кеннеди. 

Февраль ойида Украина президенти Владимир Зеленский Украина халқаро легионини тузди. Унга Украина томонидаги жанговар ҳаракатларда қатнашаётган хорижий кўнгиллилар қўшилишди.  

Жон Кеннеди — сиёсий, давлат ва жамоат арбоби, 1961 йилда АҚШ президентлигига сайланган. 1963 йилда Даллас шаҳрида уюштирилган суиқасддан кейин вафот этган.