Ўзбекистон Хитой ва Россиядан 10 млрд долларлик маҳсулотлар сотиб олди

2022 йилнинг январь-октябрь ойларида Ўзбекистон импортида юқори улушга эга бўлган ҳамкор давлатлар орасида Хитой биринчи ўринни эгаллади. Ушбу давлатдан 5,3 млрд долларлик маҳсулотлар сотиб олинган.

Давлат статистика қўмитаси маълумотларига кўра, кейинги ўринлардан 4,9 млрд долларлик маҳсулот олиб келинган Россия ва 2,6 млрд долларлик товарлар харид қилинган Қозоғистон жой олди.

Ушбу кўрсаткич қолган давлатлар кесимида қуйидагича кўриниш олди:

• Корея – 1,9 млрд;
• Туркия – 1,4 млрд;
• Германия – 789 млн;
• Ҳиндистон – 530 млн;
• Бразилия – 461,5 млн;
• Туркманистон – 443,5 млн;
• Литва – 334,4 млн АҚШ доллари.