Хивада «Чегара билмас сайёҳлик» халқаро форуми бўлиб ўтади

Форум кун тартиби туризм соҳасидаги кўп томонлама ҳамкорлик долзарб масалаларини ўз ичига олган. Мазкур анжуман Евросиё иқтисодий иттифоқи "ички туризм" имкониятларини сезиларли даражада кенгайтириш, туризм соҳасида илмий-техник ва сармоявий ҳамкорликни мустаҳкамлаш, мамлакатлар ўртасида ўзаро тажриба алмашиш бўйича янги ташаббусларни ишлаб чиқиш учун самарали майдонга айланиши кутилмоқда.

Форумда иштирок этиш учун Ўзбекистон сайёҳлик бизнеси вакиллари таклиф этилган. Бунинг учун ташкилотчилар 26 ноябрга қадар форум қайси бўлимда қатнашиш истаги кўрсатилгани ҳолда электрон почта орқали иштирок этиш тасдиқланишини сўраган.