Xiaomi совуқда иситадиган «ақлли» шарфни чиқарди

Шарф пауэрбанкдан қувват олади ва бир неча сония ичида 38°C, 45°C ёки 50°C даражагача иситади.

Фото: Xiaomi

Қиш фасли арафасида Хитойнинг Xiaomi компанияси иситиш функциясига эга «ақлли» Smart Heating шарфини тақдим қилди.

Шарф пауэрбанкдан қувват олади ва бир неча сония ичида 38°C, 45°C ёки 50°C даражагача иситади. DuPont Sorona Aura био-момиғи эса ҳароратни сақлаб туради.

Қайд этилишича, шарфнинг иситиш элементлари қизиб кетиш ва қисқа туташувлардан ҳимояланган, шунингдек, IPX7 стандарти бўйича намликдан ҳимоя ҳам мавжуд. Агар носозлик бўлса, аксессуар фавқулодда ўчиш режимига эга.

Хитойда шарф 179 юанга (қарийб $25) сотувга чиқарилган, тўпламда 5000 мА*с пауэрбанки ҳам бор.