Тошкент аэропортига янги директор тайинланди

Uzbekistan Airports бошқаруви раиси буйруғи билан Шукуржон Ғоипов 2022 йил 21 декабрдан бошлаб «Тошкент» халқаро аэропорти директори вазифасини бажарувчи этиб тайинланди.

Компания хабарига кўра, бу лавозимда у акциядорлик жамияти бошқаруви қарори билан аэропорт директори лавозимини тарк этган Мирзоҳид Турсуновнинг ўрнини эгаллади.

Ўзбекистон Миллий университети сиёсатшунослик факультетини тамомлаган Шукуржон Ғоипов меҳнат фаолиятини Тошкент аэропортида ҳаво кемаларига техник хизмат кўрсатишни мувофиқлаштириш ва назорат қилиш бўлимида муҳандис сифатида бошлаган. 

У 2018 йилдан ҳозиргача «Тошкент-1» ҳукумат терминали раҳбари лавозимида ишлаб келган.

Uzbekistan Airports республика 11 та халқаро аэропорти бошқарувини амалга оширувчи компания ҳисобланади.