Истеъфодаги немис генерали: Украинада 2023 йилда сулҳ тузилиши мумкин

Германия қуролли кучларининг истеъфодаги генерали Ханс-Лотар Домрёзенинг фикрича, Украинада сулҳга 2023 йилда эришилиши мумкин. Бу фикрни у Funke медиа-гуруҳи нашрларига берган интервьюсида билдирди.

Фото: Twitter/RND

Домрёзенинг сўзларига кўра, Украина ҳам, Россия ҳам ҳарбий мақсадларига эришиш учун яқин бир неча ой ичида яна бир ҳужумни бошлайди. Бироқ ёз бошида Москва ҳам, Киев ҳам ҳудудлар устидан назоратни кенгайтириш имконияти бўлмаса, бундан кейин ҳам курашиш бефойда эканини тушуниши мумкин.

Айнан ўшанда сулҳ бўйича музокаралар вақти келади, деб тан олди Бундесвернинг истеъфодаги генерали.

Германия ташқи сиёсат жамиятининг Россия бўйича эксперти Андрас Ратц ҳам ёзги музокаралар ва улар ортидан ўт очишни тўхтатиш режими жорий этилишини кутмоқда.

«Йил охиригача қандайдир сулҳга эришамиз, бунга ишончим комил», деди у ва «тўқнашувлар албатта камроқ бўлиши»ни қўшимча қилиб ўтди.

Эксперт Россия Федерациясида 2024 йилда кутилаётган президентлик сайловларига ишора қилди. Москва сайловлар олдидан ёки сайлов пайтида шиддатли уруш олиб боришни исташи даргумон, деб ҳисоблайди Ратц.