Берлин Киевга Leopard танклари берилиши мумкинлигини истисно этмади

Германия иқтисодиёт вазири Роберт Хабек келажакда Киевга Leopard танклари етказиб берилиши мумкинлигини истисно этмади.

Фото: AFP

Германия ҳукумати «Украинани максимал даражада қўллаб-қувватлаш мақсадида» фронтдаги воқеалар ривожига мос равишда ҳамкорлари билан биргаликда тегишли қарорлар қабул қилмоқда, дея маълум қилди у ARD телеканали эфирида.

«Биз ўз ҳаракатларимизни бошқа давлатлар билан мувофиқлаштирмоқдамиз, бу коридор доирасида қарорлар қабул қилишда давом этилади», — деди Хабек.

5 январь куни Берлин Украинанинг узоқ муддатли сўровларидан сўнг, бу мамлакатга Patriot зенит-ракета тизимлари ва Германиянинг Marder пиёда жанговар машиналарини етказиб беришга рози бўлди, улар билан битта Украина батальонини жиҳозлаш режалаштирилган.

Етказиб бериш жорий йил чорагида амалга оширилиши керак.