Қўшимча функционаллар
-
Тунги кўриниш
Ўзбекистон | 11:40 / 09.01.2023
7667
1 дақиқада ўқилади
Ўзбекистонда шаҳар аҳолисининг улуши кўпаймоқда
1991 йил бошида Ўзбекистон Республикаси доимий аҳолиси таркибида шаҳар жойларда яшовчи аҳолининг улуши 40,3 фоизни ташкил этган.
Фото: Kun.uz
Давлат статистика қўмитаси маълумотларига кўра, 2022 йил бошига келиб, ушбу кўрсаткич 50,9 фоизни ташкил этган ҳамда 1991 йилга нисбатан 10,6 фоизга кўпайган.
Йиллар кесимида доимий аҳолининг шаҳар жойларда яшовчилари улуши қуйидагича кўринишга эга бўлди:
- 1991 йил – 40,3 фоиз;
- 2000 йил – 37,4 фоиз;
- 2010 йил – 51,5 фоиз;
- 2020 йил – 50,6 фоиз;
- 2022 йил – 50,9 фоиз.
2022 йилнинг 1 июль ҳолатига Ўзбекистонда 1 километр квадрат ер майдонига ўртача 79,3 нафар доимий аҳоли сони тўғри келади.
Бу бир йил аввалги йилнинг мос даврига нисбатан солиштирилганда 1,7 кишига ортган (2021 йил 1 июль ҳолатига 1 километр квадратга 77,6 киши).
