Жиззахда автобус ҳайдовчиси содир этган ЙТҲда 7 та машина шикастланди
Ҳайдовчи ухлаб қолган ва ичида йўловчилар бўлмаган автобус АЁҚШда ёқилғи олиш учун навбатда турган машиналар билан тўқнашган.
Жиззах шаҳрида автобус ҳайдовчиси ухлаб қолиб содир этган йўл-транспорт ҳодисасида еттита машина шикастланди. Бу ҳақда ИИВ ЙҲХББ ахборот хизмати хабар бермоқда.
Ҳодиса 2023 йил 17 январ куни соат 21:00 ларда Жиззах шаҳар Мустақиллик шоҳкўчасида содир бўлган.
“ANKAI” русумли “Жиззах автотранс сервис” МЧЖга қарашли йўловчи ташувчи автобусни бошқариб кетаётган ҳайдовчи А.Н. ҳаракат давомида чарчоқ туфайли ухлаб қолган.
Оқибатида у рул бошқарувини йўқотиб, автобус АЁҚШда навбат кутиб тўхтаб турган еттита машинага шикаст етказган.
- ҳайдовчи Қ.А.га тегишли Damas;
- ҳайдовчи Т.К.га тегишли Nexia-2;
- ҳайдовчи Т.У.га тегишли Nexia-2;
- ҳайдовчи З.Ш.га тегишли Cobalt;
- ҳайдовчи Х.А.га тегишли Nexia-3;
- ҳайдовчи У.С.га тегишли Nexia-2;
- ҳайдовчи Р.И.га тегишли бўлган Lacetti машиналари билан тўқнашган
Ҳодисада Damas йўл четига ағдарилиб кетган ва унинг ҳайдовчиси Қ.А.га биринчи тиббий ёрдам кўрсатилган.
Қайд этилишича, ЙТҲ юзасидан Жиззах вилояти ИИБ ЖХХ ЙҲХБ ходимлари томонидан суриштирув олиб борилмоқда.
Мавзуга оид
15:26 / 20.09.2024
Скутер ва юк машиналарига доир тақиқлар, “радарлар” ҳамда ЙҲХХнинг бекор бўлаётган ваколати – Сенат янги ўзгаришларни маъқуллади
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024
Тошкентда тезлиги юқори BYD мактаб ўқувчисини уриб юборди
19:48 / 19.09.2024