Тошкентда коммунал хизмат ходими тупроқ босиб қолиши оқибатида ҳалок бўлди
Сув қувурини таъмирлаш чоғида чилангар ходим бахтсиз ҳодиса қурбони бўлди.
Тошкент шаҳри, Олмазор туманида 8 феврал куни «Сув таъминоти» ходими тупроқ босиб қолиши оқибатида ҳалок бўлди. Бу ҳақда Бош прокуратурага таяниб Qalampir хабар берди.
Қайд этилишича, туманнинг Университет маҳалласида «Сув таъминоти» ходимлари аҳолининг мурожаатига асосан 600 мм қувур ёрилгани бўйича носозликни бартараф этиш учун борган. Иш жараёнида чилангар бўлиб ишлаган Т.К. (1984 йилда туғилган) тупроқ босиб қолиши оқибатида ҳалок бўлган. Воқеа жойига тергов-тезкор гуруҳи аъзолари бориб, ҳудудни кўздан кечирган. Шунингдек, ҳолат юзасидан суд-тиббий экспертизаси тайинланган.
Бош прокуратура матбуот котиби хабарига кўра, ҳолат бўйича Олмазор туман прокуратураси томонидан терговга қадар текширув ҳаракатлари олиб борилмоқда.
Мавзуга оид
14:34 / 03.10.2024
Тошкент вилоятида чуқурга тушиб кетган одам чиқариб олинди
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
18:36 / 26.09.2024
Тошкентда 63 ёшли эркак автобусда вафот этди
19:53 / 16.09.2024