Тошкентда VI анъанавий Гидлар форуми ўтказилади

Тадбир Маданият ва туризм вазирлиги ҳамда Маданий мерос объектлари муаммоларини ўрганиш ва туризмни ривожлантириш илмий-тадқиқот институти томонидан ташкил этилмоқда.

Вазирлик хабарига кўра, тадбир “Экскурсия фаолияти: ҳамкорлик ва инновациялар” мавзусига бағишланади.

“Ушбу форум ҳамкорликнинг янги йўналишларини ривожлантиришга туртки бўлади, экскурсия жамоатчилигига инновацион технологиялар ва янги таълим лойиҳаларини тақдим этади”, – дейилади хабарда.

Маълумот учун, 21 феврал – Халқаро гидлар куни ҳисобланади.