Финландия Россия билан чегарада девор қуришни бошлади

Россия билан чегаранинг қарийб 200 километрини ўраб олиш учун уч метрли девор қуриш режалаштирилган. Финландия муҳожирларнинг Россия чегарасидан оқиб келишидан хавотирда.

Фото: AFP

Россиянинг Украинага қарши уруши фонида НАТОга номзод Финландия Россия билан чегарада 200 километр узунликдаги уч метрли панжара қуришни бошлади. Финландия чегара хизмати 28 февраль, сешанба куни маълум қилишича, ҳақиқий қурилиш ишлари март ойида дарахтлар илдизи билан бошқа жойга кўчирилганидан кейин бошланади.

Тўсиқнинг уч километр узунликдаги биринчи қисми мамлакат жануби-шарқий қисмидаги Иматра шаҳрида ўрнатилади. 2025 йилгача яна 75 километр панжара қурилади. Қурилиш қиймати 380 миллион еврога баҳоланмоқда. Финландиянинг Россия билан чегараси умумий узунлиги - 1300 км.

Уч метрли панжара тиканли симлар билан жиҳозланади, айрим ҳудудларда тунги кўриш камералари, чироқлар ва овоз кучайтиргичлар ўрнатилади. Ҳозирги вақтда Финландия-Россия чегарасида фақат оддий ёғоч панжара ўрнатилган. Финландия Россия муҳожирлардан сиёсий восита сифатида фойдаланиши мумкинлигидан хавотирда, шунинг учун парламент июль ойида қонунчиликка чегара тўсиқларини қуришни осонлаштирадиган тузатишларни маъқуллади.