Владивостокда авария туфайли 30 минг киши иссиқликсиз қолди

Владивостокда иссиқлик магистрали участкасида юз берган авария натижасида 30 мингга яқин шаҳар аҳолиси иссиқ сув ва иссиқликсиз қолди. Авария Иваново кўчасида соат 10:40 да (Тошкент вақти билан 05:40) юз берди, деб хабар берди Приморск ўлкаси прокуратураси 7 март, сешанба куни Telegram’да. 

«Авария ерга ва йўл тармоғи участкаларига сув чиқиб кетишига олиб келди. Тармоқ ташкилоти таъмирлаш-тиклаш ишларини бошлаб юборди», — дейилади хабарда. Агентлик тармоқларга техник хизмат кўрсатишда қонунчиликка риоя этилиши ҳамда фуқароларга давлат хизматларини узлуксиз кўрсатиш ҳуқуқига баҳо берилишини билдирди. 

«Таъмирлаш ишларининг якунланиши, иссиқлик таъминоти ва иссиқ сув таъминотининг тикланиши туман прокуратураси томонидан назоратга олинган», — дейилади назорат органи хабарида. Владивосток электр тармоқлари корхонаси («ВПЭС») ТАСС агентлигига авария ўз назорати остидаги тармоқларда содир бўлганини тасдиқлади ва авария ишлари ҳақида маълум қилди. 

VL.RU нашрининг ёзишича, воқеа Луговой майдони остида содир бўлган, натижада уни қайноқ сув босган. Пиёдалар «Новоивановская» бекатидан ўта олмай, қатнов қисми бўйлаб ҳаракатланишга мажбур бўлмоқда. «Спортивная йўналишида катта тирбандлик юзага келди. Автомобиллар ғилдиракдек чуқурликдаги кўлмаклардан ўтиб кетмоқда. Улар жуда секин ҳаракатланмоқда, кўриш деярли нолга тенг», - дея таъкидланади маълумотда.