Европаликлар Юпитерга сайёралараро станция учирди
Космик зонд Қуёш тизимидаги энг катта сайёра атрофидаги йўлдошларни ўрганади — олимлар суюқ ҳолатда сув борлигини тахмин қилишмоқда. Станция Юпитерга 8 йил давомида парвоз қилади.
Европа космик агентлиги (ESA) бир кун кечикиб, 14 апрель, жума куни Jupiter Icy Moons Explorer (JUICE) автоматик сайёралараро станциясини олиб юрувчи Ariane V ракета ташувчисини учирди ва орбитага муваффақиятли олиб чиқди. Парвоз Франция Гвианасидаги Куру космодромидан амалга оширилди.
Ракета ташувчиси олти тонналик зондни 1,5 минг километр орбитага чиқаргандан сўнг, у Юпитерга мустақил парвозни бошлади, бу режага кўра, 8 йил давом этади.
JUICE миссияси доирасида Юпитернинг учта энг катта музли йўлдошлари - Европа, Ганимед ва Каллисто ўрганилмоқда. Хусусан, у муз остида ҳақиқатан ҳам суюқ ҳолатда сув бор ёки йўқлигини текширади. Юпитернинг йўлдошлари инсон яшаши учун синовдан ўтказилади.
Ганимед - қуёш тизимидаги энг катта табиий йўлдош (у Ойдан 2 баравар оғирроқ) - олимлар учун алоҳида қизиқиш уйғотади. Ганимед зонднинг сўнгги вазифаси бўлади, 2035 йил сентябрь ойида станция унинг орбитасида айлангандан сўнг музли юзаси билан тўқнашиши керак.
Мавзуга оид
16:01 / 31.08.2024
Қуёш ва шамол электр станциялари томонидан қанча электр ишлаб чиқарилгани маълум бўлди
09:07 / 18.05.2024
Тошкентда электромобилларни қувватлантириш станциялари ишини мувофиқлаштирувчи оператор пайдо бўлади
11:06 / 06.05.2024
Электромобилларни қувватлантириш станцияларини ўрнатиш ва тармоққа улаш тартиби соддалаштирилди
07:59 / 03.01.2024