Бўстонлиқда квадроциклда ҳаракатланган 2 киши жарликка тушиб кетди

Тошкент вилояти Бўстонлиқ туманида жарликка тушиб кетган икки фуқаро қутқарилди. Бу ҳақда Фавқулодда вазиятлар вазирлиги хабар бермоқда.

Фото: ФВВ матбуот хизмати

Қайд этилишича, кеча, 25 апрель куни соат 17:02 да Чимён ёнғин-қутқарув отрядига Бўстонлиқ тумани Чимён тоғидаги Қизилжар ҳудудида икки нафар фуқаро квадроциклда ҳаракатланиб кетаётган вақтида ўз эҳтиётсизлиги натижасида бошқарувни йўқотиб, жарликка тушиб кетгани тўғрисида хабар келиб тушган.

Зудлик билан ҳодиса жойига ФВВ қутқарувчилари етиб бориб, тан жароҳати олган фуқароларга амалий ёрдам кўрсатган ва улар тез тиббий ёрдам ходимларига топширилган.