ISW: Россия Кремлга дронлар ҳужумини саҳналаштирган бўлиши мумкин
Америка урушни ўрганиш институти (ISW) таҳлилчилари фикрича, Россия томони жамиятни кенгроқ сафарбар қилиш учун шароит яратиш мақсадида Кремлга учувчисиз учоқлар ҳужумини саҳналаштирган бўлиши мумкин.
ISW ҳисоботида қайд этилишича, учувчисиз учоқлар Москвада ўрнатилган ҳаво ҳужумидан мудофаа тизимларининг бир неча қатламини енгиб ўта олиши даргумон эди.
Кремл узра дронлар портлашининг нисбатан яхши тасвирлари ҳам шубҳаларни кучайтиради.
"Кремлнинг воқеага зудлик билан, изчил ва мувофиқлаштирилган муносабати ҳужумнинг ички томондан шундай уюштирилганлигидан далолат берадики, бунда унинг эҳтимолий сиёсий оқибатлари шармандаликдан кўра кўпроқ", дея таъкидлади ISW.
Шу тариқа, Кремл Украинадаги урушни Россия учун тўғридан тўғри экзистенциал таҳдид сифатида кўрсатиш учун ахборот кампаниясини кучайтириш ниятида, дея хулоса қилади таҳлилчилар.
Мавзуга оид
07:50
Малайзия Ўзбекистонда дронлардан фойдаланиш кўламини кенгайтиради
10:50 / 14.09.2024
Reuters: Россия ўз дронлари учун Хитой двигателларидан фойдаланяпти
16:58 / 12.09.2024
Россияда 8-9-синфлар учун дронлар бўйича дарслик чоп этилди
16:32 / 10.09.2024