“Менинг йўлим” лойиҳаси бўйича овоз бериш жараёни якунланди
7 май куни соат 18:00 да “Очиқ бюджет” ахборот порталида эълон қилинган “Менинг йўлим” лойиҳасининг жорий йилги мавсумига овоз бериш жараёни якунланди.
Туман (шаҳар) бюджетларида ҳудудий ички йўлларни таъмирлаш учун режалаштирилган маблағларнинг камида 50 фоиз қисмини фуқаролар фикри асосида йўналтирилишини таъминлаш мақсадида ташкил этилган лойиҳанинг ушбу мавсуми учун республика бўйича 10 317 та ташаббусли таклиф келиб тушган.
27 апрелдан 7 май кунига қадар давом этган овоз бериш жараёни натижаларига кўра, 517 та лойиҳа ғолиб деб топилди.
Овоз бериш жараёнида республика бўйича 8 млн 93 минг 918 нафар фуқаролар фаол иштирок этди.
Ҳудудлар кесимида таҳлил қилинганда, ушбу жараёнларда энг кўп ғолиб лойиҳалар Тошкент вилояти (55 та), Қорақалпоғистон Республикаси (54 та), Самарқанд (40 та) ва Андижон (40 та) вилоятлари ҳиссасига тўғри келган.
Ғолиб бўлган лойиҳаларни молиялаштириш учун республика бўйича 412.40 млрд сўм маблағ йўналтирилади.
Мавзуга оид
07:07 / 23.08.2024
“Ташаббусли бюджет”да ғолиб лойиҳаларни молиялаштиришга 2 трлн сўмдан ортиқ маблағ йўналтирилади
14:09 / 21.05.2024
26 млрд доллар миқдоридаги инвестиция лойиҳаларини амалга ошириш чоралари тасдиқланди
15:44 / 05.04.2024
Тошкент шаҳар ҳокимлиги бир қанча лойиҳалар концепциясига 825 млн сўм ажратди
22:02 / 14.03.2024