Сенатнинг навбатдаги ялпи мажлиси 1 июн куни чақирилади

Сенат ахборот хизмати маълумотига кўра, видео-конференц-алоқа тизимидан фойдаланган ҳолда ўтказиладиган ялпи мажлисда қатор қонун ва масалаларни муҳокама қилиш режалаштирилган.

«Манфаатлар тўқнашуви тўғрисида»ги, «Ўзбекистон айрим қонун ҳужжатларига норасмий бандликни қисқартиришга қаратилган ўзгартишлар ва қўшимча киритиш тўғрисида»ги, «Ўзбекистон айрим қонун ҳужжатларига Қорақалпоғистон Республикасида инвестиция ва ишбилармонлик муҳитини яхшилашга қаратилган қўшимчалар киритиш тўғрисида»ги, «Экология ва жамоат тартибини сақлаш соҳаларидаги қонунчилик такомиллаштирилиши муносабати билан айрим қонун ҳужжатларига ўзгартиш ва қўшимчалар киритиш тўғрисида»ги, «Маъмурий жавобгарлик тўғрисидаги кодексига ўзгартишлар киритиш ҳақида»ги қонунлар шулар жумласидандир.

Шунингдек, «Телекоммуникациялар соҳасида айрим фаолият турларини амалга оширганлик учун давлат божи миқдорлари мақбуллаштирилиши муносабати билан «Давлат божи тўғрисида»ги қонунга ўзгартириш ва қўшимчалар киритиш ҳақида»ги, «Солиқ кодексининг 483-моддасига қўшимча киритиш тўғрисида»ги қонунлар кўриб чиқилади.

Шу билан бирга, сенаторлар Марказий банкнинг 2022 йилдаги фаолияти тўғрисидаги ҳисоботини эшитади.

Мажлисда Сенатнинг қирқ биринчи ялпи мажлисини 2023 йилнинг 1 июн куни чақириш тўғрисида қарор қабул қилинди.