Нидерландияда бош вазир Рюттенинг ҳукмрон коалицияси парчаланди

Нидерландияда ҳукмрон коалиция парчаланди. Бу ҳақда 7 июль, жума куни бош вазир Марк Рютте маълум қилди. Унинг қўшимча қилишича, яқин орада у қирол Виллем-Александрга ҳукумат истеъфоси тўғрисида ариза билан мурожаат қилади. 

Рютте бошчилигидаги коалиция мамлакатда бошпана олиш ҳуқуқини ислоҳ қилиш бўйича келиша олмади. Сўнгги ойларда у қиролликка келаётган қочқинлар оқимини камайтириш бўйича музокаралар олиб бормоқда. Таклифлар икки бошпана тоифасини яратишни ўз ичига олган - можаролардан қочган одамлар учун вақтинчалик ва таъқибдан қочиб қутулишга уринаётганлар учун доимий - шунингдек, Нидерландияда бошпана изловчиларга қўшилишга рухсат берилган қариндошлар сонини камайтириш. 

Муҳокамаларда миграцияга қарши курашни қўллаб-қувватламайдиган икки партия – «Демократлар 66» ва «Христиан иттифоқи» ва қатъий чораларни қўллаб-қувватловчи икки партия – «Озодлик ва демократия учун» консерватив халқ партияси ва Христиан-демократик мурожаат партияси ўртасидаги коалицияда мафкуравий бўлинишлар аниқланди.

Нидерландиянинг амалдаги коалицион ҳукумати кетма-кет тўртинчи бўлиб, унга Марк Рютте бошчилик қилган. Вазирлар маҳкамаси 2022 йил январида мамлакат сиёсий тарихидаги энг узоқ давом этган коалиция музокараларидан сўнг тузилган эди. Баҳсли масала юзасидан бир неча ой давом этган музокараларнинг муваффақиятсизлиги йил охирида Нидерландия парламентига янги сайловларга олиб келиши мумкин. Рютте кабинети янги ҳукумат тузилмагунча ўз вазифасини бажариб туради.